Our Hero

ကျွန်တော်တို့ တွေထဲက သူ့ကို ဘယ်နှစ်ယောက်လောက်များသိသလဲ ? ----------------------------------------------------------------------- ပထမဦးဆုံး သူဘယ်သူလဲဆိုတာ မရှာဖွေခင်မှာ အရင်ဆုံးသူ့ကိုကျေးဇူးတင်လိုက်ပါ ။ ဘာကြောင့်လဲ ?? သင့်ဘ၀ကို ကယ်တဲ့ သူဖြစ်တဲ့အတွက်ပါ ။ ကောင်းပြီ သူ့နာမည်က ဒေါက်တာ Jonas Salk လို့ခေါ်ပါတယ် သူဟာ ပိုလီယိုကာကွယ်ဆေးဗက်ဆင်းကို တီထွင်ခဲ့တဲ့ ပညာရှင်တစ်ဦးဖြစ်ပါတယ် ။ သူ့တီထွင်မှုက ကမ္ဘာပေါ်က အသက်ပေါင်းများစွာကိုကယ်တင်နိုင်ခဲ့တယ် ။ သူ့တီထွင်မှုက ကြီးမားတဲ့ တွေ့ရှိ ချက်ကြီးဖြစ်ချင် မှဖြစ်လိမ့်မယ် ဒါပေမယ့် သူဟာ ရှာတွေ့ခဲ့တဲ့ဗက်ဆင်းကို အသုံးချပြီး သူ့ကိုယ်ကျိုးအတွက်အသုံးမပြုခဲ့ဘူး ။ ဗက်ဆင်းကို သာ သူ့ အကျိုးအမြတ်အတွက်အသုံးချခဲ့မယ်ဆိုရင်သူဟာ ဘီလျှံနာတစ်ဦးဖြစ်နေလောက်ပါပြီ ဒါပေမယ့် သူ့တီထွင်မှုကနေ သန်းပေါင်းများစွာသော ဆင်းရဲတဲ့ ကလေးတွေရဲ့အသက်ကို ကယ်တင်နိုင်ခဲ့တယ် ။ ကမ္ဘာမြေကြီးက ဘီဂိတ်အတွက် စတိဂျော့အတွက် အစရှိသဖြင့် celebrate လုပ်ပေးခဲ့တယ် သူတို့တီထွင် ခဲ့တဲ့ နောက်ဆုံးပေါ် နည်းပညာတွေအတွက် ဒါပေမယ့် အခု လူပေါင်းများစွာကို ပိုလီယို ရောဂါဆိုးကြီးကနေ ကာကွယ်ပေးတဲ့ဗက်ဆင်းကို တီထွင်ပေးခဲ့တဲ့ သူတစ်ယောက်ကိုဖြင့် သိကြတဲ့သူအလွန်နည်းပါတယ် ။ ဘယ်လောက်တောင်ဝမ်းနည်းဖို့ ကောင်းသလဲ ? အခုတော့ သင်သိသွားပြီလေ ဒီတော့ သင့်သူငယ်ချင်းတွေပါသိရအောင် ဒီလူသားတစ်ယောက်ကို အမြဲမမှတ် မိတောင် ဂုဏ်ပြုထိုက်တဲ့သူတစ်ယောက် 

အနာဂတ်ရတနာများကွန်းခိုရာ ရွှေမြယာသို့တစ်နေ့သာ

ဒီနေ့တော့ သတိထားပြီး အိပ်ယာက စောစောထပါတယ်။ အရမ်းကို
တက်ကြွနေတဲ့စိတ်ဓာတ် နဲ့ပေါ့။ မိုးကောင်းကင်ကိုကြည့်ပြီး ဒီနေ့တော့
ရာသီဥတုလေးကြည်ကြည်လင်လင် သာသာယာယာ ရှိပါစေလို့ဆုတောင်းမိတယ်။
ဘာလို့လဲဆိုတော့ ဒီနေ့ မှော်ဘီရွှေမြယာကျောင်းက ကလေးတွေဆီကို သွားမှာကိုး။
ဒီတနင်္ဂနွေကိုလည်း မျှော်လင့်ခဲ့ရတာ ကြာပါပြီ။ ခရီးတစ်ခုသွားရရင်
ပျော်ရွှင်ကြည်နှုး တတ်တဲ့ကျွန်မက ဒီတနင်္ဂနွေ ရွှေမြယာကျောင်းကို
သွားမယ်ဆိုတာနဲ့ လိုက်ဖို့က အဆင်သင့်ပါ။ တစ်ညလုံးလည်းအိပ်မပျော်ဘူး။
သူငယ်ချင်းတွေနဲ့အတူ ကား (2)နာ၇ီလောက် စီးရမယ့် ခရီးကိုပဲ
ကြိတင်ပျော်ရွှင်နေမိတာပေါ့။
(11) နရီမတိုင်မှီရောက်ဖို့ အိမ်ကနေ (10)လောက်မှာ ထွက်ခွာခဲ့ရပါတယ်။
ဘတ်(စ်)ကား ဂိတ်ရောက်တော့ မိုးက “ဗြုန်း” ဆိုပြီး မပြောမဆို
ရွာချပါတော့တယ်။ သိပ်စိတ်ညစ်သွားတာပေါ့။ ရာသီဥတု သာသာယာယာလေးနဲ့ သွားချင်
မိပါတယ်ဆိုမှ တကယ်ပဲ အနှောက်အယှက်မိုးလို့ အပြစ်တင်မိပါတယ်။ ချိန်းထားတဲ့
(8) မိုင်လမ်းဆုံကိုရောက်တော့ (10) နာရီခွဲ ကိုနေမင်းနဲ့ဆယ်ရာက
ကြိုရောက်လို့နေပါပြီ။ တင်တင်အေး မုန့်ဟင်းခါးဆိုင်မှာ ထိုင်လို့ပေါ့။
အဲဒီအချိန်မှာပဲ ကိုမင်းသီဟက ဆိုင်ထဲကို တန်းတန်းမတ်မတ်ရောက်လာလို့
အံ့လည်းသြရ ၀မ်းလည်းသာရပေါ့။ မထင်ထားဘူးလေ။ လိုက်မယ်ဆိုတာလည်း
မသိတော့ရောက်လာတော့ အံ့သြရတာပေါ့ ။ အခုလိုအားတက်သရောနဲ့ ပါဝင်ပေးလို့
တကယ်ပဲကျေးဇူးတင်မိပါတယ်။ သူကလည်းချိန်းထားတဲ့အချိန်မမှီ

မှာစိုးလို့တဲ့။
အချိန်ကို လေးစားတဲ့အတွက်ထပ်ပြီးကျေးဇူးတင်မိပြန်တယ်။ အဲဒီနောက်မှာ
မိုင်ဆန်းဆီက ဖုန်းဝင်လာပါတယ် နာရီဝက်လောက်စောင့်ပေးပါတဲ့။
စောင့်ပေးပါ့မယ်ပေါ့။ ခဏနေတော့ ကိုဇော်မင်းထွန်း (ဒူးဒူ) ရောက်လာပါတယ်။
မိုးရေတွေစိုရွှဲလို့ပေါ့။ ကျွန်မကလည်းခရီးဦးကြို ဆူထည့်လိုက်ပါတယ်။
ဘယ်အချိန်ချိန်းထားလဲလို့ပေါ့။ အမောပြေ အဲဒီလိုဧည့်ခံလိုက်ပါတယ်။
ကျွန်မနဲ့ဆယ်ရာတို့သသာပျင်း နေကြပြီး လည်တဆန့်ဆန့်နဲ့မျှော်နေတာပါ
ဘယ်သူတွေ လာဦးမလဲလို့ပေါ့။
မိုးကလည်းရွာ ချိန်းထားတဲ့အချိန်ထက်လည်းကျော်လွန်လာတော့ စိတ်ကလည်း
တိုလာပါပြီ။ အိမ်ကို ညနေ(5)နာရီအရောက်ပြန်ရောက်ဖို့လိုတဲ့အတွက်ကြောင့်ပါ။
အခုသွားမယ့်ခရီးက ကားစီးချိန် တင် အသွားအပြန် (4) နာရီ
ဆိုတော့အချိန်မလောက်မှာကို တွေးပူမိပြီး ငါတော့ မလိုက်တော့ဘူးလို့
ပြောရတော့တာပေါ့။ စိတ်ဆိုးလို့ ပြောတာမဟုတ်ပါဘူး။ အချိန်မှီပြန်မရောက်ရင်
ကိုယ်ပဲ ဒုက္ခရောက်ရမှာကို။ ဒါနဲ့အာကာက မိုင်ဆန်းဆီကိုဖုန်းခေါ်ပါတယ်
လိုင်းကားပေါ်မှာတဲ့ 15 မိနစ်လောက်ထပ်ကြာသွားတယ် ပွိုင့်မိနေလားပေါ့
ဒါနဲ့ပဲ ဖုန်းထပ်ခေါ်ပါတယ် ဘယ်မှာလဲဆိုတော့ 6 မိုင်ခွဲမှာတဲ့ ...
အားလုံးမျှော်လင့်နေတဲ့မိုင်ဆန်း 12
နာရီကျော်ကျော်လေးမှာရောက်ရှိလို့လာပါတယ်။ မျက်နှာမြင်လိုက်ရတော့ လည်း
စိတ်ဆိုးစိတ်ကောက်ချင်တာတွေ အကုန်ဘယ်ရောက်လို့ ဘယ်ပျောက်ကုန်တယ်မသိ ။
မိုင်ဆန်း က အဲဒီလို စွမ်းတာလေ အရေးပေါ်အကြောင်းလေးတွေပေါ်လာတဲ့အတွက်
တကယ်ပဲတောင်းပန်ပါတယ်တဲ့။ ရောက်လာပြီ ဆိုတဲ့အတွက် ရင်ထဲအေးသွားရတာပါပဲ
အပြင်မှာကလည်း မိုးက ဘာအေးသလဲမမေးနဲ့ ။ ဒါနဲ့ ဆူးလေ- ဥက္ကံကားကို
တားစီးပြီး တော့ ရွှေမြယာကျောင်းတိုက်ကို ထွက်ခွါလာခဲ့ပါတော့တယ် ။
ကားပေါ်ရောက်တော့လည်း စပယ်ရာ ကို ကားခဈေးဆစ်ပြီးနောက်တော့ မရဘူးဗျ၊
စိတ်ကြီးတယ် ရှေ့မှတ်တိုင်ဆင်းလေတဲ့၊ အဲ ... ဒီလိုတော့မလုပ်ပါနဲ့ ..
တောင်းတဲ့ဈေးပေးပါ့မယ်ဆိုပြီးပြန်ချော့ရတာပေါ့ ။
အာကာမောင်က အိုက်တင်ကြီးတခွဲသားနဲ့ ကျွန်မတို့ကို က္ကုနြေ္ဒမရဘူး
အပျော်ခရီးထွက်လာတာမဟုတ်ဘူး လိုင်းကားစီးနေတာတဲ့
တိတ်တိတ်ငြိမ်ငြိမ်နေဆိုပြီးဟောက်တယ် သူလည်းဒီတစ်ခါပဲ က္ကုနြေ္ဒရဘူးပါတယ်
ပျင်းဖို့ကောင်းအောင် ကားကလည်း ဟိုတုန်းက
သီချင်းကြီးသီချင်းလေးတွေကိုဖွင့်ပါတယ် ကိုနေမင်းကလည်း ကျွန်မယူလာတဲ့
မရမ်းပြားယိုကို အိပ်မှာကပ်နေတဲ့ အနှစ်တွေကိုတောင် အလွတ်မပေး
အကြွင်းအကျန်အကုန်ခြစ်စားပါတယ် မိုင်ဆန်းကလည်း သီချင်းကြီးတွေကိုပဲ
လက်ခုပ်တီးပြီး စည်းဝါးလိုက်နေလို့ ခရီးသည်တွေက နောက်လှည့်
ကြည့်ရတဲ့အထိပေါ့။ ထောက်ကြန့် ဘက်ကိုရောက်တော့ မိုးကတိတ်သွားပါပြီ
ဝမ်းသာလိုက်တဲ့ ဖြစ်ခြင်း ဒီလိုနဲ့ရွှေမြယာ
ဘုန်းကြီးကျောင်းရှေ့ကိုရောက်ရှိလို့လာပါတော့တယ်။ ကားပေါ်ကဆင်းတော့မှ
မောင်အာကာက ကားပေါ်မှာ ငြိမ်နေရတဲ့အကြောင်းအရင်းက ရှုးရှုးပေါက်ချင်လို့တဲ့
ဒါကြောင့်ကိုး ။
ဆရာတော်ကို သွားရောက်ဖူးမျှော်လျှောက်တင်ကြပါတယ်။ ဆရာတော်ကလည်း
ဒီလိုမျိုးလာရောက်လှူဒါန်းပေး ဖို့ရည်ရွယ်တဲ့အတွက
်အလွန်ပင်ဝမ်းမြောက်ကြောင်းနဲ့ လှူတဲ့အကျိုးကို အကျဉ်းချူပ်
တရားတိုလေးဟောပေး ပါတယ် ကျွန်မတို့က စာေ၇းကိရိယာလှူဒါန်းဖို့
ရည်ရွယ်ကြောင်းပြောတော့ ဆရာတော်က ဗလာစာအုပ်ဆိုရင် အကြမ်းသာလို
အပ်ကြောင်းနှင့် ဈေးကြီး တဲ့အချောတွေ မလှူဖို့ကို မိန့်ကြားပါတယ်။
ငွေပဒေသာပင်လှူဒါန်းဖို့လည်း ဆန္ဒရှိကြောင်း လျှောက်ထားတော့
ပညာရေးငွေပဒေသာပင် စိုက်ထူထားတာ ရှိကြောင်းနှင့် ကလေးတွေအတွေက်တနေ့သာ
အဟာရအနေနှင့် ထမင်းကျွေးဖို့ လျာထားသတ်မှတ်ကြောင်း
လျှောက်ထားအတည်ပြုခဲ့ကြပါတယ်။
လှူဒါန်းမှုဒါနအကျိုးနှင့်ပတ်သက်ပြီးတော့ ဆရာတော်က အကျဉ်းမျှ
မိန့်ကြားခဲ့ပါတယ် ။ ဒီကလေးငယ်တွေရဲ့ လိုအပ်နေတဲ့ ကွက်လပ်ကလေးတွေကို
ဖြည့်ဆည်းပေးမယ်ဆိုလျှင် ကိုယ့်ဘ၀မှာလည်း ကိုယ်ဖြည့်ဆည်းလှူဒါန်းပေး
လိုက်တဲ့ ဒါနအကျိုးနဲ့ထပ်တူ တူသောအကျိုးကို
ပြန်လည်ခံစားနိုင်ပါလိမ့်မယ်လို့ မိန့်ကြားခဲ့ပါတယ် ကံကံ၏ အကျိုးလို့
ဆိုတယ်မဟုတ်ပါလား ။
ဘုန်းတော်ကြီးသင် ပညာရေးကျောင်းတည်ထောင်ရခြင်းရဲ့
ရည်ရွယ်ချက်နဲ့ပတ်သက်ပြီးတော့ ဆရာတော်က ဆင်းရဲချမ်းသာမရွေး လူတိုင်း
လူတိုင်း အရေး၊ အဖတ်အတွက် အခြေခံပညာနှင့် ခေတ်ပညာသင်ကြားသတ်မြောက်
စေဖို့ရယ်၊ ပညာသင်ကြားရေးမှာ စရိတ်သက်သာပြီးလွယ်ကူမှုရှိစေဖို့ရယ် ၊
ကိုယ်ကျင့်တရားကောင်းမွန်ပြီး အများအကျိုး နိုင်ငံအကျိုးကို
သယ်ပိုးလိုတဲ့ သားကောင်းသမီးကောင်းတွေဖြစ်လာစေဖို့ရယ်၊ မြန်မာ့ယဉ်ကျေးမှု
ဓလေ့ ထုံးစံတွေကို သိရှိနားလည်ပြီး မြတ်နိုးစွာ
လိုက်နာခံယူတတ်ကြစေဖို့ရယ်နဲ့ အမျိုး၊ ဘာသာ၊ သာသနာကို ထိန်းသိမ်း
စောင့်ရှောက်နိုင်စေဖို့လို့ ဆရာတော်က မိန့်ကြားပါတယ်။
ဘုန်းဘုန်းကြီး ဥူးဝါယမိန္ဒက ဒီရွှေမြယာဘုန်းတော်ကြီးသင်
ပညာရေးကျောင်းကို 1993 ခုနှစ်ကတည်းက စတင် တည်ထောင်ခဲ့တာပါ။
လက်ရှိအနီးအနားရွာက မရှိဆင်းရဲသားကျောင်းသားကလေးငယ် 560 ကျော်ကို
အခမဲ့ပညာဒါန သင်ကြားပေးနေတာပဲဖြစ်ပါတယ်။ ကျောင်းမှာ ဆရာ/မ (19) ဦးက
တာဝန်ယူသင်ကြားပေးနေပြီး ဆရာ/မ (19) ဦးရဲ့ လစဉ်လစာငွေဟာ
ငါးသိန်းကျော်မျှ ရှိတယ်လို့သိရပါတယ်။ ကျွန်မတို့အဖွဲ့ရဲ့
အကြံပေးပုဂ္ဂိုလ်ဖြစ်တဲ့ ကျွန်မတို့လေးစား ရတဲ့ စာရေးဆရာ ဆရာကောင်းသန့်က
ဆရာမတစ်ဦးရဲ့ တစ်နှစ်စာ လစာငွေ (360000/ိ)ကို (5)နှစ်ဆက်တိုက် ယခု
တိုင် လှူဒါန်းနေပါတယ်လို့သိရတဲ့အတွက် သာဓုခေါ်ပါတယ် ဆရာ။ သြော် ..
ဒီလိုဆိုတော့ကျွန်မတို့လည်း အဲဒီလို အလှူမျိုး လှူဒါန်းချင်လိုက်တာ ။
တစ်ချိန်မှာ တော့ လှူဒါန်းနိုင်လိမ့်မယ်လို့ မျှော်လင့်မိတာပါပဲ။
ကျန်တဲ့အသေးစိတ် အချက်အလက်တွေကိုတော့ ကျောင်းအုပ်ဆရာကြီးနဲ့
ညှိနှိုင်းတိုင်ပင်ဖို့ ဆရာတော်ကို ၀ပ်ဖြည့်ဦးချပြီးတော့
ကျောင်းရုံးခန်းကို ထွက်ခွာခဲ့ကြပါတယ်။
ဆရာကြီးနဲ့ စကားပြောတော့ ရိုသေလေးစားမှုတွေများပြီး တပည့်တော်က တွေ
တင်ပါ့ဘုရားတွေဖြစ်ကုန်တော့ တာပေါ့ အမှတ်တရပါပဲ ဆရာတော် သံဃာတော်များကို
နေ့ဆွမ်းဆက်ကပ်လှူဒါန်းဖို့နဲ့ ကလေးတွေအတွက် နေ့လည်စာ ထမင်းကျွေးဖို့ကို
ဆရာကြီးနဲ့အသေးစိတ်တိုင်ပင်ပါတယ်။ ဆရာမတွေက ကျွန်မတို့ကို အလှူမတိုင်ခင်ည
ကျောင်းမှာလာအိပ်ဖို့ ဖိတ်ခေါ်ပါတယ် ... အင်း ... ဖြစ်နိုင်ရင်တော့
လာအိပ်ချင်ပါတယ် လို့ ။ ကျောင်းမှာအတူအိပ်ရင်
တညလုံးချက်ရင်းပြုတ်ရင်းအမှတ်တရပျော်စရာလေးတွေတော့
အများကြီးရမှာအသေအချာပါပဲ .. ကျောင်းက ဆရာမ တွေနဲ့လည်း တခဏ အတွင်းမှာပဲ
ခင်မင်ရင်းနှီးမှုတွေရရှိခဲ့ပါတယ်။
ကျွန်မတို့ကျောင်းကိုသွားတာဟာ တနင်္ဂနွေနေ့ဆိုပေမယ့် လေးတန်းမှ
ရှစ်တန်းအထိ ကလေးများကို အချိန်ပိုသင် ကြားပေးနေတဲ့အတွက် ကလေးငယ်နဲ့လည်း
တွေ့ခွင့်ရရှိခဲ့ပါတယ် ။ စာသင်ကျောင်းဆောင်ကိုအသွား စာသင်ဆောင်
အပြင်ဘက်လမ်းမှာ ထမင်းစားနေကြတဲ့ ကျောင်းသားတစ်ချို့ က
ကျွန်မတို့ကိုလည်းတွေ့ရော ထမင်းစားတာကို ရပ်ပြီး
လက်ကလေးတွေပိုက်လိုနှုတ်ဆက်ကြပါတယ် သူတို့လေးတွေရဲ့ပုံစံနဲ့
အဲဒီမြင်ကွင်းကိုမြင်လိုက်ရတော့ ကျွန်မ ရင်ထဲ စိတ်မကောင်းခြင်း၊
သနားခြင်းနှင့် ကြည်နှုးမှုတွေ၊ ရောယှက်လို့ မျက်ရည်လည်မိပါတော့တယ်။
သူတို့လေးတွေ ၀တ်ဆင်ထားတဲ့ အ၀တ်အစားတွေဟာ ဟောင်းနွမ်းပြီး
အထပ်ထပ်ချူပ်ထားရတာတွေကိုမြင်လိုက်ရတော့၊ အော် .. ဆရာကောင်းသန့်ပြောတာ
မှန်လိုက်တာဆိုပြီး ဆရာ့ကိုလည်းသတိရမိပါတယ်။ ဆရာက သမီးတို့ကိုယ်တိုင်သွား
ကြည့်ရင်သိရပါလိမ့်မယ်လို့ဆိုတာကို ကိုယ်တိုင်မြင်တွေ့မှပဲ
သူတို့လေးတွေရဲ့ဘ၀ကို ပိုလို့သနားကြင်နာမိပါတော့ တယ်။ ဒါတောင်မှ
သူတို့စားနေတဲ့ ထမင်းနဲ့ဟင်းကို မကြည့်မိအောင် မျက်နှာလွဲလို့
ပြန်လည်နှုတ်ဆက်ရပါတယ်။
ကြည့်မိရင် ပိုလို့တောင်မှ ၀မ်းနဲရမှာအမှန်ပါ။
စာသင်ခန်းတခန်းခြင်းစီကို ၀င်ကြည့်ရင်း အမှတ်တရ ဓာတ်ပုံတွေရိုက်
သူတို့လေးတွေ စာသင်ကြားနေတာကို လေ့လာခဲ့ပါတယ်
။ကျောင်းသားကျောင်းသူတွေထဲမှာ ကိုရင်တွေနဲ့ တော်တော်လေးကိုနွမ်းပါးတဲ့
ကလေးငယ်များကို လည်းတွေ့ရပါတယ်။ ဆရာမဆီမှာ စာပြန်နေတဲ့ကလေးတွေ ကျွန်မက
ဓာတ်ပုံလှမ်းရိုက်လိုက်တော့ သူတို့လည်း ရှက်ရွံ့ပြီး
အထစ်ထစ်အငေါ့ငေါ့နဲ့ စာဆိုတာတောင်မှ ရပ်သွားပါတော့တယ်။ အော် ...
တစ်ချိန်က ကျွန်မတို့လည်း ကျောင်းကိုဧည့်သည်လာရင် ဒီလိုပဲ ရှက်ရွံ့ပြီး
လူရှိန် လူကြောက်တတ်ကြတာ ကလေးသဘာဝပဲလေ။ ကလေးငယ်တွေ
စာကိုကြိုးစားသင်ယူနေတာ တွေ့ရတဲ့အတွက် အလွန်ကိုဝမ်းမြောက်မိပါတယ်။
သူတို့လေးတွေရဲ့ စာအုပ်ကိုကြည့်မိတော့ လက်ရေးလက်သားကောင်းကောင်းနဲ့
သေသေသတ်သတ် ရေးထားတာကိုလည်း တွေ့ရပါတယ် ။ ကျွန်မတို့အဖွဲ့
သူတို့ကိုသွားရောက်ပြီးနှုတ်ဆက်တဲ့အတွက်သူတို့လည်း
ပျော်ရွှင်ကျေနပ်ကြတာကို သူတို့ရဲ့ အရယ်မျက်လုံး
အပြုံးမျက်နှာလေးတွေကတဆင့် ထိရှခံစားမိစေပါတယ်။
ဆရာကြီးနဲ့ ဆရာမများကို နှုတ်ဆက်ပြီးနောက်မှာတော့ ဆရာတော် ဥူးဝါယမိန္ဒ
ကို ခွင့်ပန်ကာ ရန်ကုန်ပြန်ဖို့ ထွက်အလာ ကျောင်းဝန်းထဲဝယ်
ပျော်ရွှင်စွာဆော့ကစားနေကြတဲ့ ကလေးများကို တွေ့လိုက်ရပါတယ်။ လွတ်လွတ်
လပ်လပ် အနှောင်အဖွဲ့ကင်းကင်းနဲ့ အခုလိုမျိုးအေးအေးချမ်းချမ်း
ပျော်ပျော်ရွှင်ရွှင်စာသင်ကြားနိုင်တာဟာ ဆရာတော်ဘုရားရဲ့
ကျေးဇူးတွေအင်မတန်မှကို ကြီးမားလှပါတယ် ။ ဆရာတော်ဘုရားရဲ့ ပရဟိတ
စိတ်ဓာတ်ကို အထူး ပင်လေးစားကြည်ညို အားကျမိပါတယ်။ ဆရာတော်သာ
ဒီလိုကျောင်းမျိုးကိုမတည်တောင်ခဲ့ဘူးဆိုလျှင်ဖြင့် အခုနေအခါ
ဒီကလေးလေးတွေရဲ့ဘ၀ဟာ မတွေးရဲအောင်ပါပဲ .. အခုလိုမျိုးဦးဆောင်ပြီး ပရိဟိတ
အကျိုးကို သယ်ပိုးနေတဲ့ ဆရာတော်ရဲ့မေတ္တာကို မမှီနိုင်တောင်မှ
ကျွန်မတို့လည်းတတ်စွမ်းသမျှ ဆရာတော်နဲ့အတူ ဒီကလေးလေး တွေရဲ့
ကျောင်းနေစဉ်အရွယ်ဘ၀ကို ရေလောင်းပေါင်းတင် ပြုစုပျိုးထောင်ပေးဖို့
စိတ်ဆုံးဖြတ်ခဲ့ပါတယ်။
တကယ့်ကို ဖြူစင်တဲ့ အရိုးခံမျက်နှာလေးများကို
မျက်လုံးထဲဝယ်မြင်ယောင်နေမိတယ် သားတို့သမီးတို့ အားလုံးစုပြီး
ဓာတ်ပုံရိုက်ပေးမယ် လာကြဆိုတော့ .. အိုး ..... သူတို့ပျော်လိုက်ကြတာ၊
သူတို့ကို အခုလို အရေးတယူ ခေါ်ပြီး ရင်းနှီး နွေးထွေးစွာနေပေးတော့
အတော်လေးကို သူတို့ပျော်ကြတယ် ၀မ်းသာကြတယ် .. ကင်မရာမှာပေါ်နေတဲ့
သူတို့ရဲ့ ရုပ်ပုံကို ဒူဒူက ပြတော့ အိုး .... ဒူဒူနားမှာဆိုတာ
ဝိုင်းဝိုင်းကိုလည်နေကြတာပေါ့ .. ဒီလိုမျိုးလေးပဲ ကျွန်မတို့ရဲ့
သူတို့အပေါ် ခင်မင်မှုအပြုံးကို ပြရသေးတယ် သူတို့မှာ ကျွန်မတို့အပေါ်
အတော်လေးကို သံယောဇဉ်ဖြစ်သွားတယ်ဆို တာ ကျွန်မနှလုံးသားကခံစားမိတယ်
သနားကရုဏာ သက်ဖွယ် ဒီကလေးငယ်လေးတွေ စာအရးအဖတ်လေးမှာ
ကောင်းစွာမသိနားမလည်ရင် မသင်ကြားခဲ့ရရင် လူ့လောက အသိုင်းအ၀ိုင်းမှ
ဘယ်လောက်များမျက်နှာငယ် အောက်ကျပြီး လူရာမ၀င်ဖြစ်ရရှာမလဲဆိုတာ
စဉ်းစားသာကြည့်ပေတော့ စာမတတ်လို့ အရပ်ထဲ ပလပ်စတစ်ကောက်၊
တောင်းရမ်းစားသောက်ရာကနေတဆင့်၊ လူဆိုး ၊ သူခိုးတွေဖြစ်လာခဲ့ရတဲ့
လူငယ်တွေအများကြီးပါ ၊ နောင်အနာဂတ်
နိုင်ငံတော်ကြီးမှာဒီလိုမျိုးလူငယ်တွေမရှိလျှော့နည်းရလေအောင် ဆရာတော်က
ဦးဆောင်ပြီး ပညာတတ် လူယဉ်ကျေး လေးတွေဖြစ်အောင် လိုအပ်ချက်တွေ
ဖြည့်ဆည်းပေးနေတဲ့ ဆရာတော်ရဲ့မေတ္တာကို ကြည်ညိုမိပါတယ်။
ကျွန်မတို့တွေ ပြန်တော့မယ်လို့နှုတ်ဆက်လိုက်တော့ လက်တပြပြ နဲ့
ပြန်လည်နှုတ်ဆက်ကြတဲ့ အရိုးခံစိတ်ရင်းလေး တွေနဲ့ သူတို့လေးတွေဟာ
နောင်တချိန်မှာ နိုင်ငံအတွက်လူမျိုးအတွက် သားကောင်းရတနာ
သမီးကောင်းရတာနာလေး တွေ ဖြစ်လာမယ်လို့ ကျွန်မယုံကြည်နေမိပါတယ်။ သူတို့ထဲက
တစ်ယောက်ပဲဖြစ်ဖြစ် နိုင်ငံတွက် အကျိုးရှိမယ့်သူတစ်ဦးဖြစ်ခဲ့ရင်
ကျွန်မတို့ သူတို့ကို သွားရောက်လှူဒါန်းရကျိုးနပ်နေပါပြီ။
ကျွန်မတို့ရဲ့လှူဒါန်း မှုဟာ အကျိုးအမြတ်တစ်ခုကို ရယူလိုမှုနဲ့
လှူဒါန်းတာမဟုတ်ပါဘူး ဆရာတော်ဘုရားမိန့်ကြားသလို တူသောအကျိုးကို
ခံစားရသည်ဖြစ်စေ ၊ မရသည်ဖြစ်စေ၊ သေချာတာတစ်ခုကတော့ သူတို့လေးတွေရဲ့
ပျော်ရွှင်တက်ကြွနေတဲ့ အပြုံးလေး တွေက ကျွန်မတို့ကို ကူးစက်လို့
ကြည်နှုးပျော်ရွှင်ရမှာကတော့ အသေအချာပါပဲ ချက်ခြင်းကို
ရောင်ပြန်ဟပ်မယ်ဆိုတာ တော့ ရဲရဲကြီးအာမခံပါတယ်။
ဆရာတော်ရဲ့မေတ္တာ ၊ ဆရာ/မ တွေရဲ့အကြင်နာ၊ ကျွန်မတို့လို
အလှူရှင်တွေရဲ့စေတနာတွေ၊ ပေါင်းစပ်လိုက်လို့ရှိရင် တော့ ဒီကလေးငယ်တွေရဲ့
အနာဂတ်ဘ၀လှပသော ပန်းကလေးတွေလို လန်းဆန်းမွှေးမြ နေမှာအမှန်ပါပဲရှင် ။
ဒီလိုနဲ့ပဲ ကျွန်မတို့ရဲ့ အိမ်အပြန်ခြေလှမ်းများက
ကလေးတွေနဲ့ပတ်သက်ပြီး ကိုယ်စီကိုယ်ငှ ခံစားမှုကိုယ်စီ အတွေး
ကိုယ်စီနဲ့ပေါ့ ဒီအလှူအတွက်လည်း ကြိုတင်ရင်ခုန်ခံစားနေမိပါတော့တယ်။ အော
်..... ဒါနဲ့ ကျွန်မတို့ကို ဒီကလေးငယ် တွေအတွက် စိတ်လှုပ်ရှားရင်ခုန်
ကြည်နှုးချင်တယ်ဆိုရင်တော့ ၀မ်းမြောက်ဝမ်းသာကြိုဆိုလျှက်ပါနော် ။
ဒီခရီးကို အတူသွားခဲ့ကြတဲ့ သူငယ်ချင်းများကိုလည်း လွန်တာရှိ ၀န္ဒာမိ
ပါလို့ ကျွန်မရဲ့ရှည်လျားထွပြားတဲ့ လျှာရှည်မှု ကို အဆုံးထိတိုင်အောင်
အချိန်ပေးပြီးခံစားဖတ်ရှုပေးကြတဲ့ စာရှုသူမိတ်ဆွေသူငယ်ချင်းများနှင့်
အလှူရှင်များအားလုံးကို နှလုံးသားရဲ့တစ်နေရာက ကျေးဇူးတင်လျှက်

လက်ကိုင်ဖုန်းတစ်လုံးရဲ့လျို့ ဝှက်ချက်များ၊

လက်ကိုင်ဖုန်းတစ်လုံးရဲ့အသုံးဝင်မှုများကို အတော်များများက Camera , FM Radio, Alarm, MP3 music အတွက် လောက်ပဲ သိထားကြတယ်။
အခုတစ်ခါ လက်ကိုင်ဖုန်းတစ်လုံးရဲ့လျို့ ဝှက်ချက်များ၊ အသိနည်းတဲ့အသုံးဝင်မှုများကို စုစည်းတင်ပြလိုက်ပါတယ်။
(၁) အရေးပေါ် အတွက်
keypad ကို locked လုပ်ထားရင်တောင် သင့် လက်ကိုင်ဖုန်းများဟာ 112 ဆိုတဲ့ နံပါတ်ကို နှိပ်လို့ ရတာ တွေ့ရ ပါလိမ့်မယ်။ အဲဒီနံပါတ်ဟာ ကမ္ဘာလုံးဆိုင်ရာ ၊ နိုင်ငံတကာ အရေးပေါ် ဖုန်းနံပါတ် ဖြစ်ပါတယ်။ သင်သာ လက်ကိုင်ဖုန်း ဆက်သွယ်နိုင်တဲ့ ဧရိယာထဲမှာ ရှိနေပါစေ၊ ဒီနံပါတ်ကို နှိပ်လိုက်တာနဲ့ သင့်လက်ကိုင်ဖုန်းဟာ အနီးဆုံး ဆက်သွယ်မှု ကွန်ယက်ကို အလိုအလျောက် ရှာမှာ ဖြစ်ပါတယ်။ လက်ကိုင်ဖုန်းက ခလုတ်များကို ပိတ်ထားရင်တောင် ဒီနံပါတ်ကိုတော့ နှိပ်လို့ ရနေမှာ ဖြစ်ပါတယ်။
(မြန်မာပြည်ပါ မပါတော့ အသေအချာ မသိပါ။ကမ္ဘာနေရာအတော့်များများမှာတော့ အဆင်ပြေပါတယ်)
(၂) ကားထဲမှာ သော့တွေ ကျန်ခဲ့လား
သင့်ကားတံခါးမှာ အဝေးထိန်းစနစ် ရှိပါသလား။ တနေ့မှာ အဝေးထိန်း မဟုတ်ဘဲ လက်နဲ့ ဖွင့်ရမယ့် အနေ အထား ကြုံတတ်ပါတယ်။ ကားသော့ကို ကားထဲ ထည့်ခဲ့ပြီး အပိုသော့က အိမ်မှာ ကျန်ခဲ့ရင် သင် ဘာလုပ်မလဲ ?။
လက်ကိုင်ဖုန်း တစ်လုံး ရှိရတာ ဒီလိုအခါ ကျတော့ အဆင်ပြေလိုက်တာ။ အိမ်မှာ ကျန်ခဲ့တဲ့ လူရဲ့ လက်ကိုင်ဖုန်းကို သင့်လက်ကိုင်ဖုန်းကနေ ခေါ်ပါ။
တဖက်က ပြန်ထူးနေရင် သင့်လက်ကိုင်ဖုန်းကို ကားတံခါးကနေ ခြေတလှမ်းအကွာမှာ ထားပါ။
နောက်ပြီး အိမ်ကလူကို ကားသော့ဖွင့်တဲ့ ခလုတ်ကို လက်ကိုင်ဖုန်းနားကပ်ပြီး နှိပ်ခိုင်းပါ။
သင့် ကားတံခါး ပွင့်သွားပါလိမ့်မယ်။
စမ်းကြည့်ရတာ နည်းနည်းတော့စိတ်လှုပ်ရှားစရာ ပါပဲ။ အိမ်ကလူက လာပေးဖို့  မလိုတော့ဘူးပေါ့။ အကွာအဝေးက အဓိက မဟုတ်ပါဘူး။ သော့အပိုက မိုင်တရာ အကွာမှာ ရှိနေပါစေ ခုနက နည်းနဲ့ သင့်ကား တံခါးကို အလွယ်တကူ ဖွင့်နိုင်တာ သင့်လက်ကိုင်ဖုန်းကြောင့်ပါ။

(၃) ဖွက်ထားတဲ့ အပို ဘက္ထရီ
သင့်လက်ကိုင်ဖုန်း ဓာတ်အား သိပ်နည်းလာပြီဆိုပါစို့။ *3370# ကို နှိပ်လိုက်ပါ။ သင့် လက်ကိုင်ဖုန်းက အရေးပေါ်သုံး ချန်ထားတဲ့ ဓာတ်အား ကို ပြန်ဖွင့်ပေးပြီးနောက် သင့်လက်ကိုင်ဖုန်းက ဓာတ်အား ထက်ဝက် ကျန်သေးကြောင်း ပြပါလိမ့်မယ်။ နောက်တစ်ကြိမ် သင့်လက်ကိုင်ဖုန်းကို ဓာတ်အား ပြန်ဖြည့်တဲ့အခါမှာ သာမန်နဲ့ အရေးပေါ်သုံး နှစ်မျိုးလုံး အတွက် ဓာတ်အားကို ပြန်ဖြည့်ပါလိမ့်မယ်။ Safety first !!! ပါတဲ့။
(၄) အခိုးခံရတဲ့ လက်ကိုင်ဖုန်းကို သူတပါး သုံးလို့ မရတော့အောင် ဘယ်လို ဖျက်ဆီး ပစ်မလဲ။
သင့် လက်ကိုင်ဖုန်းရဲ့ နံပါတ်စဉ်ကို သိဖို့ *#06#ကို နှိပ်လိုက်ပါ။ ဂဏန်း ၁၅လုံး (ဆယ့်ငါးလုံး) ပေါ်လာပါ လိမ့်မယ်။ အဲဒီ ဂဏန်း ဆယ့်ငါးလုံးဟာ သင့်လက်ကိုင်ဖုန်း (handset) အတွက် သီးသန့်ပါ။ ဒီ ဂဏန်းတွေကို ချရေးပြီး လုံခြုံ စိတ်ချရတဲ့ တနေရာမှာ သိမ်းထားပါ။ သင့်ဖုန်း အခိုးခံရတဲ့ အခါမှာ သင်ဟာ ဖုန်း ကုမ္ပဏီကို ဖုန်းဆက်ပြီး ဂဏန်း ဆယ့်ငါးလုံးပါ ကုဒ်ကို ပြောပြ တိုင်တန်းလိုက်ပြီး သင့် လက်ကိုင်ဖုန်းကို ပိတ်ခိုင်း နိုင်ပါ တယ်။ တကယ်လို့ သူခိုးဟာ Sim Card ကို မထုတ်ရသေးမီ သင်သာ တိုင်တန်းနိုင်မယ် ဆိုရင် Sim card ကိုရော လက်ကိုင်ဖုန်းကိုပါ disable လုပ်နိုင်မှာ ဖြစ်လို့ သင့်ဖုန်းထဲက သင့်ဆက်သွယ်မှု ကွန်ယက် ထဲက သူတွေ စာရင်းနဲ့ ဖုန်းနံပါတ် များကိုလဲ သူတပါး သိခြင်းမှ ကာကွယ် နိုင်သလို သင့်အယောင် ဆောင်ပြီး သူတပါးကို သင့်ဖုန်း နံပါတ်နဲ့ ဆက်သွယ်ခြင်း ကိုပါ ကာကွယ် နိုင်မှာ ဖြစ်ပါတယ်။ တကယ်လို့ သင် တိုင်တန်း တာ နောက်ကျလို့ သူခိုးက ပိုလျင်သူ ဖြစ်ခဲ့ရင်တော့ သင့် Simcard ကိုသာ disable လုပ်နိုင်မှာ ဖြစ်ပြီး သင် ဟာ ဖုန်းနံပါတ်များကို လက်ကိုင်ဖုန်း ထဲမှာ မှတ်သား တတ်သူ ဖြစ်ပါက သင့် ဆက်သွယ်မှု ကွန်ယက် ကိုတော့ သူခိုးက ကောင်းကောင်း သိနိုင်ပါတယ်။ ဒါပေမယ့် သင့်နံပါတ်နဲ့ သူတပါးကို ဖုန်းဆက်ခြင်းတော့ မပြုနိုင်တော့ ပါဘူး။ ဒါကြောင့် အရေးကြီး ဖုန်းနံပါတ်များကို Sim Card ထဲမှာသာ မှတ်သား ထားသင့် ပါတယ်။ ဒီလို ကာကွယ် ထားနိုင်ရင် လက်ကိုင်ဖုန်း ခိုးယူခြင်း ကြောင့် အကျိုး မဖြစ်ထွန်းတဲ့ အတွက် လက်ကိုင်ဖုန်း ခိုးယူမှုများ လျော့ပါး လာမယ်လို့ မျှော်လင့်ရပါတယ်။

Blood facts in general

သွေးကို အစားထိုးလို့ရတဲ့အရာ မပေါ်သေးပါဘူး။

သွေးဟာ လူ့ကိုယ်ခန္ဓာအလေးချိန်ရဲ့ ခုနစ်ရာခိုင်နှုန်းနီးပါး ရှိပါတယ်။

သွေးဟာ အောက်ဆီဂျင်နဲ့ အာဟာရဓါတ်တွေကို သယ်ဆောင်ပေးပါတယ်။

သွေးဟာ ကာဗွန်ဒိုင်အောက်ဆိုဒ်နဲ့ အညစ်အကြေးဓါတ်များကို စွန့်ထုတ်ဖျက်ဆီးစေဖို့အတွက် အဆုတ်၊ ကျောက်ကပ်နဲ့ အသည်းတွေဆီကို သယ်ဆောင်ပေးသွားပြန်တယ်။

သွေးဟာ ရောဂါတွေကို တိုက်ထုတ်ပေးပြီး ဒဏ်ရာတွေ အနာတွေ ကျက်စေဖို့ ကူညီပေးသေးတယ်။

အေ၊ဘီ၊ အေဘီ၊ အို ဆိုပြီးတော့ အဓိက သွေးအမျိုးအစားအုပ်စုကြီး လေးခုရှိပါတယ်။

သွေးအမျိုးအစားတိုင်းမှာ မျောက်သွေးလို့ခေါ်တဲ့ RH အပေါင်း အနုတ် ဆိုတာလည်း ရှိပြန်သေးတယ်။

သွေးထဲမှာ သွေးနီဥ၊ သွေးဖြူဥ၊ သွေးဥမွှားနဲ့ သွေးရည်ကြည်ဆိုပြီး အဓိက ၄ မျိုး ပေါင်းစပ်ပါဝင်နေတယ်။

သွေးဖြူဥဟာ သွေးဆဲလ်ထဲမှာ အကြီးဆုံးပါပဲ။ ရောဂါပိုးမွှားတွေကို တိုက်ထုတ်ဖို့ တာဝန်ယူပေးထားပါတယ်။ သွေးဖြူဥတွေရဲ့ သက်တမ်းဟာ တိုလွန်းလှပါတယ်။ ရက်အနည်းငယ် ဒါမှမဟုတ် တစ်ပတ်လောက်ပဲ သက်တမ်းရှိပါတယ်။ သွေးစက်လေးတစ်စက်မှာ သွေးဖြူဥဆဲလ်ပေါင်း ခုနစ်ထောင်ကနေ နှစ်သောင်းခွဲအထိ ရှိတတ်ပါတယ်။ ကိုယ်ထဲကို ၀င်လာတဲ့ ရောဂါပိုးက ပြန်လည်ခုခံတယ်ဆိုရင် သွေးဖြူဥဆဲလ် အရေအတွက် ဒီထက်မက များပြားလာတတ်ပါတယ်။

သွေးနီဥဟာ သွေးပမာဏရဲ့ ၄၀ ရာခိုင်နှုန်းနီးပါး ရှိပါတယ်။ အောက်ဆီဂျင်နဲ့ အာဟာရဓါတ်တွေကို အဓိက သယ်ဆောင်ပေးပါတယ်။ ကာဗွန်ဒိုင်အောက်ဆိုဒ်ဓါတ်တွေကို အဆုတ်ကို ပြန်လည် သယ်ယူပေးပြန်တယ်။

သွေးဥမွှားက အသေးငယ်ဆုံး သွေးဆဲလ်လေးတွေပါ။ သွေးပမာဏရဲ့ ၅ ရာခိုင်နှုန်းက ၇ ရာခိုင်နှုန်းအထိဟာ သွေးဥမွှားလေးတွေပါ။ သွေးဥမွှားတွေက ဒဏ်ရာ အနာတရဖြစ်တဲ့အခါမှာ သွေးခဲစေပြီး သွေးယိုထွက်ခြင်းကို လျှော့ချပေးပါတယ်။

သွေးရည်ကြည်က စေးကပ်ကပ်ရှိလှတဲ့ အ၀ါရောင်ဖျော့ဖျော့ အရည်လေးပါ။ သွေးပမာဏ စုစုပေါင်းရဲ့ ၅၅ ရာခိုင်နှုန်းဟာ သွေးရည်ကြည်တွေပါ။ သွေးရည်ကြည်ထဲမှာ ရေဓါတ်၊ ဆားဓါတ်နဲ့ ပရိုတင်းဓါတ်တွေ ပေါင်းစပ် ပါဝင်နေပါတယ်။ သွေးရည်ကြည်ရဲ့ ၉၅ ရာခိုင်နှုန်းက ရေတွေပါ။ ကျန်တဲ့ ၅ ရာခိုင်နှုန်းက ဟိုမုန်းဓါတ်တွေ၊ ဆားဓါတ်နဲ့ ပရိုတင်းဓါတ်တွေပေါ့။

သွေးနီဥဟာ လူ့ခန္ဓာကိုယ်ထဲမှာ ရက်ပေါင်း ၁၂၀ အထိ သက်တမ်းရှိပါတယ်။

သွေးနီဥကို သာမာန်အခြေအနေမှာ ၄၂ ရက်တိတိ သိုလှောင်ထားလို့ရပါတယ်။

အေးခဲထားတဲ့ သွေးနီဥတွေဆိုရင် ၁၀ နှစ်နဲ့ အထက် သိမ်းထားလို့ရပါတယ်။

သွေးဥမွှားကတော့ ၅ ရက်အတွင်း အသုံးပြုရပါတယ်။

သွေးဥမွှားကို သွေးကင်ဆာနဲ့ တခြားကင်ဆာရောဂါတွေရဲ့ သွေးသွင်းကုသမှုမှာ အသုံးပြုပါတယ်။

သွေးရည်ကြည်ဟာ သွေးပေါင်ချိန်ကို ထိန်းတဲ့နေရာမှာ ကူညီပေးပါတယ်။ သွေးဆဲလ်တွေ၊ ဟိုမုန်းဓါတ်တွေ၊ အင်ဇိုင်းတွေကိုလည်း သယ်ဆောင်ပေးပါတယ်။ သွေးခဲစေဖို့အတွက်နဲ့ ကိုယ်ခံအားစနစ်အတွက် လိုအပ်တဲ့ ပရိုတင်းဓါတ်ကိုလည်း သယ်ဆောင်ပေးပါတယ်။

အေးခဲထားတဲ့ သွေးရည်ကြည်ဟာ ၁ နှစ်တိတိ ထားလို့ရပါတယ်။

လူရဲ့သွေးထဲမှာ ပါဝင်တဲ့ သွေးနီဥ၊ သွေးဖြူဥ၊ သွေးဥမွှားနဲ့ သွေးရည်ကြည်တွေကို ရိုးတွင်းခြင်ဆီကနေ သဘာဝအလျှောက် ထုတ်လုပ်ပေးတာပါ။

ဗိုလ်ချုပ်အောင်ဆန်းပေးတဲ့ မြန်မာပြည်

လူ့လောကထဲ သူနေခဲ့ရတာက
၃၂နှစ်၊၅လ၊၆ရက်တည်းရယ်ပါ။
၁၃.၂.၁၉၁၅ မှ ၁၉.၇.၁၉၄၇
နက်မောက်ဦးသောဘိတကျောင်း..
ရေနံချောင်း အမျိုးသားကျောင်း...
ရန်ကုန်တက္ကသိုလ်တွေမှ ပညာဆည်းပူးခဲ့..
၁၉၄၃ ကျောင်းသားသမဂ္ဂအမှု့ဆောင်နဲ့
နိုင်ငံရေးဘဝစတင်
နိုင်ငံရေးလုပ်သက်၁၃နှစ်
အဓိကဖြတ်သန်းမှု့တွေကတော့
မြန်မာ့လွတ်လပ်ရေး(သို့)
စတုတ္ထမြန်မာနိုင်ငံတော်....။

အရပ်ပုပု
မျက်မှောင်ကုတ်ကုတ်
ပိုသီပတ်သီ အညာသား။
ဘီအေကျောင်းသား
စကားမပြော
ပြောရင်မရပ်
ညှင်းသိုးသိုးအရိုးးခံ
ခေါင်းအမာဆုံး
ဇွဲအရှိ့ဆုံး
စိတ်ဓာတ်အပြင်းထန်ဆုံးလူသား...။

သူမသိနားမလည်တာတွေက အများသား
ရေမကူးတက်ဘူး...
စက်ဘီးမစီးတက်ဘူး...
စန္ဒရားမတီးတက်ဘူး...
သီချင်းကောင်းကောင်းနားမထောင်ခဲ့ရဘူး...
မိန်းမမပိုးတတ်ဘူး...။

ဘိလပ်ပြန်သန်းကို
မေရှင်သီချင်းဆိုခိုင်းခဲ့သူ..
ချစ်ရတဲ့နာစ့်မလေးကြည်ကို
လူငှားနဲ့ပိုးခဲ့ရသူ..
VIP ဆိုတဲ့စာတန်းကို
အလွန်စက်ဆုပ်ရွံရှာသူ..
လမ်းဘေးမှာ..
ကျောက်ကျောရေသောက်တဲ့ ဝန်ကြီးချုပ်..
မင်္ဂလာဆောင်မှာ..
ခဲဖိုးတောင်းတာနားမလည်တဲ့သူ...
လွတ်လပ်ရေးကိုစဉ်းစားရင်း..
စစ်ဖိနပ်ကိုပြောင်းပြန်စီးတဲ့သူ..
လွတ်လပ်ရေးကိုစဉ်းစားရင်း..
ဆံပင်ညှပ်မပြီးခင် ထထွက်သွားတဲ့သူ...
တွေ့ချင်လွန်းလို့ လမ်းမှာတားတဲ့
ရွာသားတွေနဲ့
အတူ လမ်းဘေးမှာ အကြော်စားတဲ့
ဝန်ကြီးချုပ်....
သူ့ကိုသူ ပြည်သူတစ်ယောက်အဖြစ်
ခံယူတဲ့ဝန်ကြီးချုပ်....။

ပြည်သူတွေကြားမှာ
ဝင့်ဝင့်ထွားထွား
သူရဲကောင်းပေမဲ့
အိမ်ထောင်ရှင်ဖခင်
ဇနီးကို ချစ်တတ်တဲ့သူ......။
့
" ကြည်.....ပဲပြုပ်နဲ့နံပြားရရင်
စားချင်တယ် "
မိန်းမကို မနက်စာပြင်ခိုင်းတဲ့
သူ့ရဲ့ ကမ္ဘာကျော်စာ
ဗိုလ်ချုပ်အဆင့်ရဲ့အမှားနဲ့
သာမန်ရဲဘော် အဆင့်ရဲ့အမှန်ကို
ကွဲကွဲပြားပြားသိသူ
လူငယ်ဘဝ ၊ လူ့ဘဝရဲ့စည်းစိမ်အရသာတွေ
ခံစားဖို့အချိန်မရခဲ့တဲ့သူ
သူ့ဖြတ်သန်းမှု့မှာ
လွတ်လပ်ရေးဆိုတာ တစ်ခုတည်းနဲ့
ပကတိရိုးစင်း သန့်စင်ခဲ့တဲ့သူ
သူ့ကိုဒဂုန်တာရာက ကင်ပွန်းတပ်
" အောင်ဆန်း(သို့) အရိုင်း" တဲ့...။

လုပ်သက်ကခပ်နုနု
ကျောင်းသားပေါက်စ
သခင်ပေါက်စ
စစ်သားပေါက်စ
နိုင်ငံရေးသမားပေါက်စ
ဘဝတွေကအဖုံဖုံ
အသက်က၃၀မရှိ့တရှိ့...။

စစ်ပြီးရင်
မြန်မာနိုင်ငံကြီးလွတ်လပ်ရေးရပြီးရင်
သူလုပ်ချင်တာက
လူရယ်ချင်စရာဗျာ
စာရေးဆရာ...တဲ့......။

လွတ်လပ်ရေးရရင် အနားယူ
ကဗျာတွေ ၊ စာတွေရေးမယ်..တဲ့
အားရင်အားသလို
သတင်းစာတွေ ၊မဂ္ဂဇင်းတွေမှာ
ဆောင်းပါးတွေ ၊ စာတွေရေးနေတဲ့သူ...
ကြည်ညိုလို့ရော..
စာကောင်းလို့ရော..
ထိုခေတ်က ဆောင်းပါးကြေး
အမြင့်ဆုံးရတဲ့လူ.......။

ကြမ်းတမ်းရင့်ထော်
လူစိတ်မှ ရှိရဲ့လားလို့
အထင်မမှားပါနဲ့...
လွတ်လပ်ရေးအတွက်
သူ ရဲရင့်ရပေမဲ့..
စတုတ္ထမြောက်ရင်သွေး
သမီးကလေး
ရက်သားလေးနဲ့ ကြွေလွင့်ခဲ့ရတော့
မျက်ရည်တွေဝဲ
သူ စိတ်ဆင်းရဲခဲ့ဖူးတယ်....။

ဒီ အောင်ဆန်းလက်တောက်လေးကို
ဘာကြောင့်
နေမဝင်အင်ပါယာကြီး
ဒူးထောက်ခဲ့ရပါသလဲ........။

တကယ်ဆိုတော့
ငါတို့အောင်ဆန်းက
နယ်နယ်ရရမဟုက်
ရိုးသားတဲ့မြန်မာတွေထက်
ပိုရိုးသားတဲ့အောင်ဆန်း
သတ္တိပြောင်တဲ့မြန်မာတွေထက်
ပိုသတ္တိရှိ့တဲ့အောင်ဆန်း
ဒီလိုအောင်ဆန်း
သူ့သွေးသားအရိုးအချည်တွေအားလုံး
လွတ်လပ်ရေးတခုတည်းနဲ့အပြီး
စုစည်းတည်ဆောက်ပြတဲ့အောင်ဆန်း
တကယ့်အရိုးခံအောင်ဆန်းပေါ့.....။

ရိုးတာမှအလွန်ရိုး
ဂျပန်မှာ ဗိုလ်ကြီး ဆူဇူကီးက
မိန်းမခေါ်ဦးမလား ဆိုလို့
ရှက်သွေးဖြာခဲ့ဖူးတဲ့သူ.......။

ပိုက်ဆံမရှိလို့
ထမင်းအကြွေးမစားဖူးတဲ့ဆိုင်မရှိ..
ငါးမူးတန်းက ရုပ်ရှင်ကြည့်ခဲ့ဖူးတယ်..
ကားပျက်နေတာတောင်
အခွင့်အရေးတောင်းသူတွေကိုမုန်းလို့
သူတို့ကားအကူအညီ မယူပဲ
ရုံးကို လမ်းလျှောက်သွားတဲ့သူ.........။

ဒီအောင်ဆန်းကို
လွတ်လပ်ရေးလမ်းဝမှာ ဘွားကနဲမြင်လိုက်ရရုံပဲ
အောင်ဆန်းရဲ့ ဆရာတွေ မှိုင်း ၊ မြ
၊ ချို တို့ကအစ
"ငါတို့ အားကိုးပါရစေ" ဆိုလာကြ...
ရှေးဘိုးဘွားမိဘပြည်သူတွေက
"ငါတို့ကယ်မယ့်မင်းလောင်းပေါ်ပြီ"
"ပြုံးပျော်ကြ"
လူငယ်သွေးသောက်မြန်မာတွေက...
" ငါတို့စွန်ပါရစေ " ဆိုပြီးရှေ့ထွက်လာကြ
စုကြ ၊ ရုံးကြ ၊ စည်းရုံးကြ
တကယ့်ဗမာတွေ........
မဟာအောင်ဆန်းနောက်က
ပြည်သူ့ဒီလှိုင်းလုံးကြီးတွေရဲ့
တဝုန်းဝုန်းရိုက်ခတ်သံဟာ
အဲဒီအချိန်က
ဝိတိုရိယဘုရင်မကြီးကိုတောင်
အိမ်မက်တွေအေးခဲစေခဲ့သပေါ့....။

အောင်ဆန်းရှေ့ရောက်ရင်
ရှမ်းတွေက ရှမ်းစကားမဆိုကြ...
ကချင်တွေကလည်း ကချင်စကားမဟကြ...
အောင်းဆန်းကိုယုံကြည်စွာနဲ့
သူတို့သခင်အဖြစ် အသိမှတ်ပြုကြ
အားလုံးသောတိုင်းရင်းသားတွေ....။

ဒီပြည်လုံးကျွတ်
အားကိုးစုစည်းနိုင်ခဲ့လို့လည်း
အင်္ဂလိပ်တွေက ဒီအောင်ဆန်း
လက်တောက်လောက်နဲ့
တစ်စားပွဲထဲ ဝိုင်းထိုင်ခဲ့ကြပေါ့
အကင်းပါးသူတွေပီပီ
မတိုက်မှီက ရှုံးနေတဲ့ ဒီစစ်ကို
ဒင်းတို့မတိုက်ဝံ့ကြ...
မျက်နှာမပျက်
အောင်မြင်စွာဆုက်ခွာမယ့်လမ်းကို
သူတို့ရွေးခဲ့ကြ....
အောင်ဆန်းနဲ့အတွေ့မှာပေါ့......။

ယုံကြည်အားတဲ့
မျက်လုံးပေါင်းသန်း၆၀
အောင်ဆန်းမှာရှိ့တယ်.၊
လွတ်လပ်ရေးကို တရှိုက်မက်မက်တောင့်တတဲ့
နှလုံးသားသန်း ၃၀ အောင်ဆန်းမှာရှိ့တယ်..၊
အောင်ဆန်းသေဆို သေပြဝံ့တဲ့သူ
အောင်ဆန်းမှာ တပြည်လုံးရှိ့တယ်..၊
ဒီမျက်နှာ နှလုံးအသက်
ဗို့အားသိန်းသန်းချီပြီး မီးဆလိုက်အားတွေနဲ့
နေမဝင်အင်ပါယာကို
ပြက်ပြက်သားသားလှမ်းထိုးလိုက်တဲ့အခါ
အခြောက်တိုက် ဘဝင်မြင့်နေသူတွေ
အားလုံးအရည်ပျော်သွားခဲ့ကြ......။

ဘယ်ရာဇဝင်မှာ ခင်ဗျားတို့တွေ့ဖူးလည်း
ဂျပန်ဆိုတာ မနှုးမနပ်မဟုက်ဘူး။
အင်္ဂလိပ်ဆိုတာဝေလာဝေး
သူငယ်နှပ်စားမဟုက်ဘူး။
ဒင်းတို့တွေတောင်
ရအောင်စည်းရုံးနိုင်တဲ့ အောင်ဆန်း
ဒီအောင်ဆန်းက စစ်ကိုမလို
ဒါပေမယ့် " ရရင်ရ မရရင်ချ "ဆိုတာ
အောင်ဆန်းဝါဒ....
လွတ်လပ်ရေးကို အမြန်ဆုံးလိုချင်နေတဲ့
အဲ့ဒီအချိန် ပြည်သူတွေရဲ့
တစ်သီးတည်းသောကိုယ်စားလှယ်
ငါတို့အောင်ဆန်းပေါ့.....။

ဗိုလ်ရူးလို့ပြောတဲ့လူတွေကို
ဂရုမစိုက်ပဲ
မြန်မာနိုင်ငံသားတွေကို
အင်္ဂလိပ်စာတတ်စေချင်ခဲ့လူ
သူ ကိုယ်တိုင်..
အမျိုးသားကျောင်းထွက်
ဒါပေမဲ့ အင်္ဂလိပ်စာကို
ထုံးလိုချေ ၊ ရေလိုနှောက်တဲ့သူ.....။

အင်္ဂလိပ်စာတတ်ရင်
ဘာထူးလဲလို့မေးတဲ့လူတွေကို
စေ့စေ့ကြည့်ရင်း
"အနည်းဆုံး အင်္ဂလိပ်တွေကို
အင်္ဂလိပ်လို ဆဲလို့ရတာပေါ့ " လို့
ခပ်ရင့်ရင်ပြောခဲ့တဲ့သူ........။

မြန်မာမှာရော
ကမ္ဘာမှာပါ..
ရှာမှရှား အမျိုးသား
အင်္ဂလိပ်လိုရေးပြီး
ဒီမိန့်ခွန်းကို ကြည့်ပြီး
မြန်မာလို လက်တန်းပြောခဲ့တဲ့သူ......။

ဗိုလ်အောင်ဆန်း
ဒီအချိန်ဆို (၉၃)နှစ်ရှိ့ပြီ
(အောင်ဆန်းပြောမယ်)
အဘိုးရဲ့စကားနားထောင်......။

"မမေ့နဲ့......မင်းတို့ကနေ့ရှုနေတဲ့လေဟာ
ငါတို့....မနေ့က
ချွေးစက်တွေဆိုတာ...မမေ့နဲ့...
မင်းတို့မြန်မာဆိုတဲ့ စကားတခွန်းရဖို့
ငါတို့.... ဗုံးပေါလအော
ကျဆုံးပေးခဲ့ရတာ...မမေ့နဲ့....
မင်းတို့ကမ္ဘာ့မြေပုံပေါ်တက်နိုင်ဖို့
ငါတို့.....အလောင်းကောင်တွေဆင့်ပြီး
ထမ်းတင်ပေးခဲ့တာ.... မမေ့နဲ့...........။

မြန်မာလူမျိုးတိုင်းမှာ
အဖေနှစ်ယောက်ရှိ့တယ်
တစ်ယောက်က
ကိုယ့်သွေးသားအဖေ
ကျန်တစ်ယောက်က
မြန်မာလူမျိုးကို မွေးပေးခဲ့တဲ့အဖေ
မြန်မာလူမျိုးရဲ့အဖေ
မြန်မာ့အဖေ
အောင်ဆန်းပေါ့.....။

ကျုပ်အဖေနဲ့အဖိုးဟာ အောင်ဆန်းသားတွေ
အောင်ဆန်းက ကျုပ်အဖိုး
ကျုပ်သားက အောင်ဆန်းမြစ်ပေါ့
သူ့အဘိုးကို သူလွမ်းတက်နေပြီ...၊
သူ့သားကြရင်လည်း သူ့အဘေးနဲ့
ပေးတွေ့နိုင်ဖို့
အခုကတည်းက အသေအချာ
ကျုပ်မှာထားရအုံးမယ်။ ။

ဖူးမြော်ပြီးကြည်ညိုနိုင်ပါစေဗျာ........